My World – Цэцэрлэгч

Бүх хүн мод тарьж байхаас
Бичиж буй түүх минь эхэлсэн юм
Булгийн усыг бензинээс дорд үзэж
Буусан бууцаа хогоор хүрээлүүлж байхад
Тэр модоо тарьж суусан юм

Яндаж болдоггүй далай шиг эх орныг
Яасан баян нутаг вэ хэмээн цээжээ дэлдэж
Ямаан сүргээрээ тамгалж, талхилж
Яс махтай нь хатаан суухад
Тэр модондоо хайс барьж суусан юм

Өр нимгэн  Монголыг маань
Өрлөг эх орончид хайрандаа дэвтээж
Өглөө шиг эх орон хэмээн магтан дуулж
Өдөр шөнөгүй караокедож байхад
Тэр модоо хорхойноос нь цэвэрлэж суусан юм

Тунгалаг Туулыг таашаалдаа живүүлж
Түүний хөвөөнд амарч тарвалзаад
Татсан тамхиараа чамирхсан олон
Түймэрдсэн хотоосоо дайжин зах зай бараадахад
Тэр модоо услаж суусан юм

Зөв явбал зөөлөн замбуулин хэмээн дуулсаар
Зөрүүд тэнэг гэж түүнийг цоллосон олны
Зүйтэй үйлдэлд хорссон уушиг нь
Жижүүрийн ээлжит ханиадандаа бүгшүүлж байхдаа ч
Тэр модоо хөрсөөр манаж суусан юм

Нэгл өдөр тэр явна, бид ч бас
Надаас, чамаас юу хийснийг хэн шалгаахгүй ээ
Нийтэд зориулсан үйлийг чинь хэн ч шүүхгүй тул
Нэрээ сийлэн мөнхөлөх санаархалтай хүмүүсийн доохно
Тэр модоо тулгуураар бэхлэн суусан юм

Хүн хүндээ хайртай байдгиймаа хэмээн дуулсаар хүмүүс
Хоноц хоноцдоо дургүйн үлгэрээр хоорондоо химлэлдэн
Хариу үйлдлээрээ даван гарахын тулд
Хоног өдөргүй, эцэж цуцахгүй тэмцэж суухад
Тэр модныхоо сүүдэрт сандал урлаж дуусахад
Өргөн, өндөр таягтай, энгэр дүүрэн одонтой үеийнхэн нь
Өнцөг булан төдий ч үлдээлгүй эгнэн суугаад
Өөр мод тарих ёстой байсан тухай хэлэлцэн
Өдөр бүр түүнд үглэх болсон юм.

Be Sociable, Share!

3 Comments

  1. Dubai

    endees chine barag humuusiin setgel bna shtee. yamar negen zohioliig unshih bolomjgui yu bna. humuusee http://www.asuult.net-r orood uzeerei minii durtai site. bi olon no ene site-s unshsan. harin literature.mn-iihen asuult.net shig zohioliig unshij bolohoor tawibal zugeer baih.tegwel olon hun iluu ih uzej medeelleh bolno.

  2. энхтуул

    Бяцхан хүүгийн гарт саяхан авсан улаан өнгийн машин дээр тэр өдөрийн нарны улбар туяа 1000 түмэн цацараг болон будран байв.Өнөөдөр хичээл эрт тарж бяцхан хүү сургуулийн өмнөх хуучирч илэгдсэн модон сандал дээр нэг хөлөө нөгөө дээрээ ачин хэвтэж байлаа .Тэрээр нарны өөд угтуулан гэрэлд нь гялтагнах олон өнгийн цацрагыг хараH мишээнэ.Хүү дотроо цас яагаад бороо болгон хувирдгыг салхи хаанаас гардагыг гээд бяцхан хүү бодон хэвтэнэ яагаад бодсон юм бол долоохон настай хүү ийм юм бодох хэрэггүй гэжүү

    Ийм л юм болсон юм өнөөдөр орсон хичээл нь түүнд нөлөөлсөн хэрэг хүүгийн багш нь хичээл захаас илүү байгалыг хамгаалах хайрлах тухай энэ хичээл дээр ярьжээ .гаднаас нь харвал далаад оны цэцэгтэй дашинз ноосон цамц зэрэг нь түүнийг хуучинсаг багш нэрийг зүүхэд хүрэгжээ харин энэ яриан хүүд ихэд гүн сэтгэгдэл байжээ. Нэгэл л мэдэхнээ хүүгийн мөрөнд хэн нэгэн аярхан хүрэх нь мэдрэгдэв харвал түүний ээж нь инээмсэглэж зогсож харагдана. -Хүү гэртээ харих замдаа ээждээ хичээл дээрээ юу үзсэн бас нүдээ аниад юу хүсэж мөрөөдсөн тухайгаа яриж ээ маргааш нь хүү сургуульруугаа урьд урьдийнхаас илүү эрт очиж хамт суудаг охиндоо өчигдрийн мөрөөдлийнхөө тухай ирээдүйд байгаль хамгаалч болох хүсэлтээгээ ярьж гэнээ охин хэсэг дуугуй сууснаа шоолонгүй инээгээд чи юу яриад байнаа наадах чинь бүтэхгүй нэг дүгээрт чи жаахан бас энэ мэргжил цалин багтай танайх бас ядуу аав ээж 2 чинь чамд шинэ тоглоом авч өгдөгүй биз дээ гээд хүүлүү дооглонгүй харав хүү гэртээ ирээд ээждээ болсон бүхийг ярив Ээж нь хэсэг дуугуй сууснаа хонгорхон минь няцаалт үгүйсгэл 2 бол чиний мөрөөдөлийг хөдөлгөгч хүч юм. Энэ 2 гүйгээр мөрөөдөл бол хий хоосон хэвээрээ л байх болно. Үнхээр ч хүү охиний хэлсэн үгийг өрийнийнхөө мөрөөдөлийн суйр болгон хувиргаж чадсан ба нарны цацараг түүний хуучин машинийг шинхэн машин болгон харагдуулж байв.

    2010-11-06 нд зохиогч….tuulanka_e

  3. Чинзориг

    Цагаа олсон гайхалтай мэдрэмж сэрэмжийг зрхэнд шивнэсэн бүтээл болжээ. Олон олон залуус уншаасай.

Leave a Comment

Your email address will not be published. Required fields are marked *